A cuminsa cu estudio di bombero na Bonaire

KRALENDIJK – Sinku kolaboradó nobo di Kuerpo di Bombero Hulanda Karibense (BKCN) ta kuminsá ku e promé módulo di estudio di bombero pa ‘Manschap A’ na Bonaire. Den e módulo aki ta trein e reklutanan aki den dunamentu di ayudo (tékniko) na momentu di aksidente di tráfiko, manera tratamentu di herida i kòrtamentu di vehíkulo.

Mas aleu, ta kapasitá i trein nan den kombatimentu di insidente den kua tin produktonan peligroso enbolbí.

E módulo t’e promé parti di un estudio di kasi un aña den kua tambe nan lo siña tokante kombatimentu di kandela i kombatimentu di kandela di avion. Despues ku finalisá e estudio, dos kandidato lo bai traha na Sint Eustatius, miéntras e otro tresnan lo bai reforsá e tim na Saba.