Abogado Zara deteni despues di a dal auto staciona

Diarazon atardi Polis a bay den Van Waalbeeckstraat, unda un Suzuki Swift a dal un SUV Chevrolet staciona.

Por mira cu e persona cu a ocasiona basta daño na su propio vehiculo, esta e Swift, pero tambe n’e auto Chevrolet.

Algun meter mas pariba e auto a para mey-mey caminda, unda e chauffeur a baha y casi no por para riba su pia.

Tabata trata di abogado Zara, kende tawata bastante bou di influencia y di baina por a para riba su pia. Den e auto e tabatin un cacho chikito.

E abogado a baha y tabata purba pa wanta e luz di su Swift cu a cay.

Polis a wordo pidi y na su yegada a compronde cu e abogado a bay sinta den Mario’s Sportshop. N’e sitio nos a compronde cu e auto cu el a dal ta di propetarionan di Mario’s Sportshop mes.

Polis di Trafico mes a bay den e tienda y a detene abogado Zara mirando su estado.