Ex-Parlamentario y ex-Presidente di Simar Harry Oplaat a fayece

Tabata diarazon anochi cu nos a recibi e triste noticia cu ex Parlamentario di AVP y ex Presidente di Simar, Harry Oplaat a fayece, perdiendo e bataya pa hopi aña contra di cancer.Esaki a consecuencia cu Harry tabata conoci di a huma masha hopi sigaria.  For di nos amigo y amigo di Harry, Nelson Petronia nos a recibi un resumen breve, kende tabata Harmen Gerrit Oplaat, mihor conoci como Harry.

Harry a yega Aruba na aña 1969 y a bira miembro di VLA, aki un miembro di casi 62 aña por ta miembro y haci trabao di maestro ainda.

Harry a traha bao di meneer Bruce hunto cu Ralph Halley, Rudi Oomen, Dongen y hopi mas den enseñanza. Ultimo añanan na Juliana School cu Eddy Croes y Dolfi Kock.

Harry Oplaat a drenta politica a bira miembro di Parlamento pa AVP, y a representa su partido y nos maestronan

“Nos a perde un gran persona cu baa di su guia hunto Jaime Mata, S. Madonna a bay di acuerdo pa construi loke SIMAR tin awor nan propio edificio.

Bao di ex Presidentenan 74 / 96 hopi a ser realisa pa maestronan en particular reconocimento di e maestra y nan a logra haña vaste dienst.

Ami tabata contento di por a bishite den luna di maart y por a combersa cune hopi over di Simar, segun Nelson Petronia.

Di nos maestronan y pensionado, amigonan  di Harry ta manda nan condolencia pa su sra. Monica Oplaat-Cervantes y nan yiunan Krista y Stephano. Hopi forza.

Nos ta desea boso hopi forza awor e ta sin dolor den Reino cu varios amigonan di Simar Burny Every , Madonna y nos amigo Crispin Bruce.