For di 2007 tin lei ku ta duna Hues poder pa reparti herensia

WILLEMSTAD – Un veredicto ku a sirkulá e siman aki tokante mas ku 2.2 mion meter kuadrá di tereno a kapta atenshon ekstraordinario, pasobra hopi hende no tabata sa ku tin asina tantu tereno privá na Korsou.

I na di dos lugar ku apesar ku algun dje terenonan aki tin mas ku 300 aña ku herederonan por a reklamá nan, defisiensia den atministrashon di gobiernu a pone ku te ainda e gran mayoria dje terenonan no a keda designá.

Na aña 2007 gobiernu a introdusi un areglo legal ekstraordinario pa solushoná e situashon aki.

Basikamente esei ta nifika ku Korte por disidi pa duna e persona of famia ku ta usa e tereno, pa bira nan propiedat. Sinembargo manera tur kos ku ta gratis, e tin un pero……

E persona ku Korte duna e tereno mester sòru pa lanta un konstrukshon na drechi i un plan di desaroyo dje tereno.

No te intenshon pa uzé komo landfill……

I si e persona of famia no tin moda pa desaroya e tereno, Korte por duna gobiernu e tereno.

Gobiernu na su turno por bende o duna e tereno na erfpacht pa traha kas of proyekto nobo.

Komo ku designashon di terenonan ta masha importante si nan ke lanta barionan di bibienda, e doño mester konsultá ku gobiernu riba e destinashon.

Te ku awor Korte a reparti 12 tereno kaminda tin bario habitá kaba manera Rancho i Vetter.

Mesun kos a sosode ku mondinan grandi na Rancho,Vetter, Vicento, Soledad, New Orleans, Chango i Mijn Wenscah.

Hasta edifisio singular den siudat gobiernu a yega i reparti manera den Seranostraat, Roodeweg, Quintastraat, i Willemstraat.

Sinembargo ta manera ultimo añanan gobiernu a pèrdè interes pa buska drechi unda tin tereno ku por reparti.

Esei a pone ku hopi tereno nobo ta pará pòrnada.

Na tur ta terenonan ku ta midi mas ku 2.2 mion meter kuadrá.