Marina ta reanudá combatimento di droga den Region Caribe

E barku di patruya Zr.Ms. Holland a sali for di Den Helder ayera cu direccion Region Caribe. Defensa p’e motibo aki, despues di un par di luna, atrobe tin nan barco di patruya stacioná den e region.

Zr.Ms. Holland sigun ta spera lo yega 26 di mei, pa medio di su entrada ceremonial na Còrsou. Durante su tempo den Region Caribe, e tripulacion ta dirigí su mes entre otro riba operacionnan contra di terorismo y contrabanda di droga y arma.

Forsanan Armá ta duna substancia cu esaki na su tareanan constitucional. Tal como mantencion di e órden legal internacional. E operacionnan ta tuma lugar den cooperacion cu partnernan stratégico tal como Wardakosta Region Caribe y ‘Joint Interagency Task Force South’ Mericano.

Zr.Ms. Holland ta un embarcacion Oseánico di Patruya (Oceangoing Patrol Vessel -OPV) y e tin un helicòpter marítimo NH90 abordo.

Na fin di decèmber aña pasá, e promé barco di patruya Zr.Ms. Groningen a bolbe bek Hulanda pa motibo di problemanan técnico. Durante e periodo promé cu esey e tripulacion di e barco a interceptá entre otro míles di kilo di droga. Defensa tin 4 barco di patruya di Klase Hulandes. Esakinan ta navenan flexibel pa ser usá pa vigilancia di nos costa y awanan teritorial. Zr.Ms. Holland den cuminsamento di 2018 tabata barco di patruya den Region Caribe pa último biaha.