Presentacion di EXACT software na Hyatt Place Airport Aruba tabata un exito

Diabierna ultimo den un sala di Hyatt Place Airport Aruba completamente yen, VCC a presenta e business software di EXACT na diferente interesado di sector priva y sector publico.

E huespednan presente kier a siña con EXACT por yuda nan compania streamline nan administracion financiero, y hasta mas importante, hacie transparente, dor di elimina tur espacio pa error humano y e posibilidad pa fraudeer.  

Bert Vermaas, Director y doño di VCC International NV ta splica: “Un di e caracteristicanan mas valioso di EXACT t’e One-X concept:  Cada pida di informacion hinca den e sistema ta wordo registra un solo biaha p’e ta obtenibel pa tur departamento.

P.e., ora di traha un purchase order den e purchase department tur otro departamento automaticamente ta wordo informa. Asina e warehouse-manager por cuminsa prepara e warehouse pa ricibi e mercancia, e Departamento di Benta por cuminsa informa clientenan cu e stock nobo ta bay drenta, y finalmente administratie  por plan nan cash-flow” Bert Vermaas a comenta.

Jane Wever-Vermaas, sales & marketing di VCC International NV: “Nos ta gradici e ekipo di Hyatt Place Airport Aruba, particularmente Aurienne Faro-Krozendijk, pa nan servicio ehemplar y e atencion personal duna den ful e proceso di planea y ehecuta e seminario aki, masha danki!”

EXACT, un programa cu ta existi desde 1984 y a wordo desaroya na Delft Hulanda, ta un ERP software cu tin mas cu 550.000 cliente.

E programa ta wordo hopi uza na Aruba y Caribe den accountancy, dor di wholesalers y retailers y ta percura pa tur proceso di negoshi manera purchasing, warehouse management, sales, marketing, finance y e-commerce por wordo manteni den un solucion. Pa mas informacion tocante EXACT por tuma contacto cu VCC International NV na info@vcc-int.com of yama 5837072.