Con pa motiva muchanan pa traha nan tarea di scol

Trahamento di tarea ta hopi importante pa un mucha, pasobra e ta contribui n’e desaroyo di e mucha. Pero no ta tur mucha ta gusta traha nan tareanan di scol.

Benificionan di traha tarea di scol:

  • Trahamento di tarea di scol ta prepara e mucha pa su siguiente les.
  • E mucha ta corda y compronde e materia mihor.
  • E ta stimula e proceso di informacion y ta siña e mucha pa pensa critico ariba e materia cu ta wordo trata.

Tips con pa motiva bo yui pa traha nan tarea di scol:

  • Sostene bo yui durante e trahamento di su tarea

Ta importante pa un mucha sinti cu e tin e sosten y guia di su mayornan, famia y otro durante trahamento di su terea. Si e mucha tin pregunta of duda, esaki por wordo atendi di biaha. E ta un sentimento agradabel pa e mucha, si bo dune sosten durante su trahamento di tarea.

  • Percura pa tin un planificacion pa traha e tarea di scol cu ta cla y facil pa ehecuta

Dor di parti tur e tareanan den diferente pida ta pone cu e ta bira mas cla y facil pa ehecuta.

E ta menos trabou cada biaha. Tambe por comparti e tareanan riba diferente dia. Esaki ta duna espacio pa planea momentonan di ripiticion di e lesnan cu kisas e tin cu siña.

  • Scoge un momento adecua y fiho pa trahamento di tarea

Dor di scoge un momento adecua y fiho pa traha riba e tareanan di scol, ta evita un discusion entre abo y bo yiu. Pasobra bo yiu ta na altura di e palabracion pa cu e orario di trahamento di tarea y cu n’e momento ey nada otro ta tuma lugar. Si bo yiu sa kico ta spera di dje, e ta coopera mihor.

  • Recompensa esfuerso di bo yui
  • Dune compliment
  • Lage hunga cu su coi hunga nan preferi
  • Traha algo di smak hunto p.e. un bolo, cookie y come hunto

           Ora bo yiu ricibi aprecio di bo, confiansa propio pa traha huiswerk ta crece.

Hunto y man den man, nos ta motiva nos muchanan! 

Fuente: