Disputa legal Kuwaiti den Korte lokal pa NAf. 928.879.676,26

WILLEMSTAD – Siman pasá Hues mr. de Kort kende ta Vice Presidente di Korte di Hustisia Komun di nos pais, a dikta veredikto den un disputa multi-mionario di NA. 928.879.676,26 entre dos kompania di Kuwait.

E suma original ku tabata den disputa ta pa Dinar Kuwaiti 155.702.127  ku na florin di Kòrsou i na e tipo di kambio di ayera ta e suma ku ta menshoná den titular dje relato aki.

Ta trata di un disputa entre National Leasing and Financing Co., ku sede na Kuwait kontra otro kompania di Kuwait ku yama Bab Al-Mustaqbel Real Estate Company tambe ku sede na Kuwait.

E abogado di NLF a registrá e kaso dia 30 di desèmber di 2019 den Korte na Kòrsou i abogado di BEB a pidi Korte pa trata e petishon pa pleita e kaso dia 23 di maart di aña pasá, pero Covid-19 a tira ‘monkey wrench’ den e plan.

Den konsulta ku otro e dos partidonan a kumbini ku nan ta manda nan alegatonan via e-mail pa otro i pa Korte. E mesun dia abogadonan di tur dos partido a manda nan replika i dupliek pa Korte i pa otro pa laga Hues fiha fecha di su veredikto kual tabata 10 di mei ultimo.

E dos kompanianan den pasado a haña un disputa ku otro riba benta di terenonan den kual ambos kompania tabata doño pa 50% i den Korte di Kuwait dia 26 di yanuari, Korte na Kuwait a kondena BAB pa paga NFL e suma di  155.702.127 Dinar ademas di 300 Dinar Kuwaiti pa gastu di abogado.

Tres luna después un tribunal superior a anulá e veredikto den apelashon i a rekonfirmá ku BAB mester paga NFL e suma multi-mionario. Riba esei ta bin 7% di interes kontando for di dia ku e veredikto a kai.

E partido ku a pèrdè e kaso a bai Korte Supremo, pero a pèrdè e kaso, c.q. nan a konfirmá e veredikto. NFL a pidi Korte ku e veredikto den man pa bolbe kondená BAB di akuerdo ku e veredikto definitivo di Hues na Kuwait, pero e biaha aki agregando e gastunan di beslag i di abogado.

NLF a argumentá ku e desishon di Korte na Kòrsoui ta valido na Kuwait, pero BAB a protestá bisando ku NFL no a kumpli ku leinan di Kuwait pa laga ehekutá un veredikto den e pais Arabe.

Ademas nan ta haña ku NFL ta abusá di su poder, pasobra nan por a entamá e kaso na Kuwait tambe. Hues a analisá e protesta i a indika ku ta rekonosé un desishon di un Hues stranhero na Kosou basta e ta kumpli ku reksitonan manera por ehempel e no ta kontra di orden publiko dennos pais. Ta kuater kondishon tin ku e partido ganadó a cumpli ku nan tur.

I kontra di e argumento aki BAB no tabatin argumento i ku NFL a gana e kaso. BAB a insisti ku no por ehekutá e veredikto na Kuwait, pero abogado Alawadi di NFL a splika ku sí por ehekutá e veredikto na Kuwait si e ta regisrá korektamente i no nesesariamemente, pasobra e dokumentashon ta na Kòrsou, e no ta valido.

E argumento ku nan por a hasi e demanda na Kuwait mes tampoko ta un problema, pasobra no por a konvence BAB pa paga e suma boluntariamente. I si registro dje petishon dje kaso a sosode publikamente no por tabata otro pasobra esei lei ta bisa. Por lo tantu Korte di Hustisia Komun a ordená BAB pa paga tur gastu dje kaso i logikamente e multiple miones di