Trabou pa Kòrsou a atvertí CURMIL

WILLEMSTAD – Dos siman pasá Trabou pa Kòrsou (TPK) a puntra CURMIL, dia shofur di un vehíkulo no para, kico nan ta hasi? Apenas dos siman pasá TPK a manda karta i hala atenson riba e hecho di militarnan Hulandes baret kòrá i militarnan di Curmil ku ta hasiendo kontròlnan durante di pandemia.

Tambe TPK a atvert Curmil riba e hecho ku nan no tin tur e preparashon nesesario pa hasi e loke nan ta hasiendo ei debí ku nan no a haña ‘praktisch politie optreden’  ni nan no tin IBT. I dia algu bai robes esnan responsabel di a manda nan hasi e trabou lo no sali na nan defensa.

Wikènt ku a kaba di pasa tur hende por a tuma nota riba media sosial di un video ku ta sirkulá kaminda un militar di Curmil ta hasi un maniobra nèt dilanti di un skuter ku konsekuensia ku e shofùr di e skuter a pèrde kontròl i aksidentá. E shofùr a sufri diferente leshon. 

Lider polítiko di TPK, sr. Rennox Calmes, kende sigur tin 12 aña di eksperensia den e trabou polisial tambe a mira e video aki, pero no ta bai den detaye di e echo i ta warda investigashon determiná resultado final.

Pero a referi ne hecho ku dos siman pasa el a hasi pregunta riba kico a pasa i spesifikamente “kiko CURMIL lo hasi dia shofur di un vehíkulo no para?” Si ta loke nos a mira riba e video, nos ta hopi leu for di kas.

TPK lo no hala patras, pero lo sigui kana e kamindanan den Parlamento pa hasi e kosnan stret paso al final CURMIL ta di nos i no por para laga nan pasa den situashon ferfelu siendo ku nan tambe ta òrdu nan ta sigui di ariba. TPK ta bay atendé direktamente ku esnan ku a duna CURMIL òrdu i pone nan den e situashon ferfelu aki di kual algun di nan den nan emoshon pa sirbi nan pais no a para ketu na nos leinan. TPK ta pendiente kontesta di e kartanan ku TPK a manda pa Minister di Hustisia i Minister Presidente.