Dos Marinier Arubiano a haya promocion

Gobernador di Aruba, Alfonso Boekhoudt, ayera mainta a haci entrega oficial di un Decreto Real (Koninklijk Besluit) na dos marinier Arubano na honor di nan promocion na Marinierskazerne na Savaneta.

E entrega a tuma lugar na Cas Ceremonial di Gobernador. LTKOLMARNS Art van Beekhuizen, Comandante di Marinierskazerne, tambe tabata presente n’e ocasion aki.

Richard F. Kelly a ricibi su Decreto Real den cuadro di su promocion cerca e personal militar di Aruba di ‘eerste luitenant der mariniers van Aruba’ (ELNTMARNAR) pa ‘kapitein der mariniers van Aruba’ (KAPTMARNAR).

Daniel M. Vrolijk a ricibi su Decreto Real, den cuadro di su nombramento como officier cerca e personal militar di Aruba den e rango di ‘tweede luitenant der mariniers van Aruba’ (TLNTMARNAR).

Despues di e entrega oficial, Gobernador di Aruba a tene un audiencia cu señor Van Beekhuizen. Durante e audiencia, Gobernador a haya informacion riba diferente topico, entre nan e trayectonan di profesionalisacion di Milisia Caribense y e trayecto di Formacion Social. (Potret: © Kabinet Gouverneur Aruba)