Èks minister Alcalá-Wallé a pidi: Laga OM investigá pa daño na enseñansa!!

WILLEMSTAD – Den un karta ofisial ku èks Minister di Enseñansa, Kultura i Deporte, drs. Marilyn Alcalá-Wallé a manda pa Presidente di Parlamento i mas instansia ofisial, el a pidi pa laga hasi un investigashon profundo riba aktuashon di Ministerio Publiko pe daño ireparabel ku nan a hasi na sektor di Enseñansa di nos pais.

Ofisialmente e luna aki e lo mester a finalisá su periodo komo Minister entregando un rapòrt final dunando kuenta i rason di tur e trabounan ku el a hasi for di 29 di mei 2017 dia ku a nombr’é ofisialmente pa un periodo di 4 aña komo Minister den Gabinete Rhuggenaath.

Estando den funshon di Minister, Prokurador General di Ministerio Publiko  a informe dia 27 di  januari 2020 ku e ta bai inisiá un investigashon penal kontra su persona pa posibel violashon di e ordenansa di integridad pa kandidatonan ministerial.

Esey pasobra su nòmber tabata registrá na Kámara di Komersio. Kasi kuater aña despues el a bin tende ku e no a yena n formulario korektamente pa Formador di Gobiernu sin ku el a haña asistensia ni guia kon yena e formulario.

E mesun Ministerio Publiko a despues di un investigashon amplio a anunsia ku no por kulp’é di hechonan kastigabel pasobra e no a hasi algu robes komo Minister.

E hecho ku e tabata registrá na Kámara di Komersio no tabatin ningun konsekuensia pa su funshonamentu komo Minister.

AKTUASHON SENSURABEL DI OM…..

Estando den e boto aki el a eksperensia kon e sistema hudisial por funshoná den e parti aki di Reino i kon ta midi ku dos midí.

Ministerio Publiko spesifikamente Fiscal Hans Oppe  tabata sa ku otro Ministernan di Gabinete Rhuggenaath tambe tabata registra na Kámara di Komersio i ku tabatin denunsia penal kontra nan, pero a skohe pa persigi un solo persona.

Señora Alcalá – Wallé a manda lista dje Ministernan aki pa Parlamento.

Un di nan tabata kandidato number 9 i 13 di PAR i kandidato number 8 di PIN, pero pió ainda.

Minister President i Minister di VVRP tabata registrá na Kámara di Komersio durante e full 4 añanan di e periodo di gobernashon igual ku e èks Minister di Salubridat sra. Camelia Römer. i tur a ehersé funshonnan adishonal.

PREGUNTA

Señora Alcalá Wallé a puntra kon ta posibel ku tantu persona a kana e mesun trayekto pero ta un solo persona – su persona .- Ministerio Publiko ta investigá.

Otro pregunta: Ser registrá na Kámara di Komersio ta norma pa por ehersé of laga otro funshon?

Spesifikamente señora Alcalá Walle a pidi Parlamento laga hasi un investigashon riba andansa di Fariseo Minister dje Gabinete ku ta bahando.

I asina señora Alcalá Wallé a hasi varios petishon mas, pero mañan lo bini bèk riba nan.