Jeon ta lansa Todo Pa’ti cu Joey Montana

Aruba su yui di tera JEON ta lansa un tremendo produccion conhuntamente cu Artista Internacional Joey Montana.

No ta desconoci den rednan social na unda Jeon a comparti cu den su prome concierto cu el a experiencia na Aruba, La Factoria a presenta y aki ta na unda el a mira e Artista Joey Montana pa prome biaha.

Jeon ta comparti con cu despues di 12 aña Jeon a presenta na un open act pa un concierto cual cu Joey Montana a presenta como solista. E parti increibel ta con cu despues di añas nan a topa otro den un studio na Miami. Y asina aki tambe ambos a inicia n’e tremendo colaboracion aki  “Todo Pa’ti”.

Jeon tin diferente produccionan andando cu Artistanan renombra internacional.

Jeon ta ricibi admiracion di tur su fannan y ser kerinan p’e continuo dedicacion cu e ta enfoca y determina pa logra cu exito.

Jeon a cuminsa como cantante cu 8 aña, su prome festival cu el a presenta “Festival Estrella” el a gana como ganador absoluto.

Jeon a continua y dedica completamente den muziek. Cu 13 aña Jeon a cuminsa produci su prome cancionnan y desde su infancia te awor nunca a stop y a sigui na locual ta apasion’e asina tanto.

Jeon ta comparti hopi biaha cu durante su crecemento como Artista Cantante y Productor el a bin realisa con cu musica ta un canal pa comparti mensahe, cu por concientisa pa un diferencia. Y esaki no ta desconoci tampoco despues cu Jeon a lansa su cancion “Dushi Bida” na 2016 pa cual a bira un hit explosivo den henter Caribe.

Internacionalmente Jeon a wordo reconoci despues di su duo magnetico conhuntamente cu Artista Internacional J.Balvin na 2018 cu nan cancion “Machika”. Papiamento a resona na henter mundo, y pa henter Caribe un orguyo inmenso a wordo comparti cu e gran logro aki.

Jeon no ta para keto y no lo para keto. Esaki por mira den cada stap cu Jeon ta tumando den su carera musical. Ademas di su continuo biahe y produccionnan na diferente studio na Merca, Hulanda y Aruba. Jeon ta continua duna na su comunidad y semper ta sigui produci cancionnan local tambe. Jeon ta comparti e importancia pa nunca lubida di unda bo a bin y alabez pa halsa semper bo cultura p’e nunca bay perd’i.

JEON Social Media:

instagram.com/jeon_arvani

facebook.com/arvanimuzic