Ministerio Publico ta reitera: Avestruz keto bay andando

E siman aki Landsrecherche a bolbe detene un persona den cuadro di delitonan di corupcion posiblemente cometi y otro hechonan castigable relaciona cu dunamento di tereno di Gobierno entre 2009 y 2017. Ta trata aki di e sospechoso M.S.H., kende mientrastanto a bay den libertad. Ministerio Publico ta informa awor oficialmente.

Desde 11 di april ultimo nuebe sospechoso a wordo deteni den e investigacion Avestruz, di cual cinco a wordo poni den libertad.

Riba exigencia di Ministerior Publico, Huez-Comisario a duna ordo pa detencion (bewaring) di e sospechoso F.P.E. Pa loke ta e sospechoso F.F.A. a duna ordo pa detencion (gevangenhouding).

Diarazon Corte Superior a rechaza e apelacion di e sospechoso M.L.A. contra su detencion (gevangenhouding). Un peticion di e sospechoso aki pa suspende su detencion a wordo rechaza, loke kier men cu M.L.A. lo keda den detencion preventivo p’awor.

E detencion di e sospechoso P.T.A.S. ta den e fase di bewaring.