Mucha ta protegi pa derechonan cu ta fundamental

Segun Michella Steenvoorde – Laclé

Nos muchanan tin derecho pa tin ambos mayor den nan bida, e derecho aki ta wordo ancra den e tratadonan internacional di mucha, tratado di UNICEF cu Aruba tambe a ratifica na aña 2001.

Nos muchanan tin derecho di haña alimentacion, den caso di un separacion, nos muchanan tin derecho di haña esaki di ambos mayor. Nos muchanan tin derecho pa wordo scucha. Y asina nos muchanan tin hopi otro derechonan mas, den total tin 54 articulo di derecho di mucha.

Pa yega na conclui e Proyecto “Voortgezet Ouderschap Aruba” (Mayor bo ta pa Semper) un sondeo hunto cu Centraal Bureau Statistiek Aruba a wordo haci.

Estudionan prome cu esey a duna nos un bista di kico t’e situacion di nos muchanan actualmente riba e tematica aki. A sondea entre otro: 

  1. Cuanto divorcio tin na Aruba? Y cuanto mucha tin envolvi?
  2. Cuanto t’e cifranan di mayornan cu mester acudi nan instancianan manera Voogdijraad y/of Corte pa por busca derecho di alimentacion pa nan yiunan?
  3. Con Bureau Leerplicht ta registra ausencia di muchanan na scol, si nan categorisa esakinan, por ehempel “ausente paso mayornan ta separando”
  4. Con e trahadornan social ta registra ora un mucha bay atras den scol, of actitud si nan ripara cu e mayornan ta pasando den un separacion? Kico nan tin prepara p’e grupo di muchanan aki?

E contestanan na tur pregunta tabata alarmante. Esaki ta un di e  motibonan pa cual  ta pone Michella Steenvoorde – Laclémes disponible cu determinacion. E lo traha riba e maneho y  trece solucion definitivo, cu contenido p’e problematicanan aki. Cu un vision y mision cu a resulta exitoso na otro paisnan, formula cu ta conta cu aprobacion di Nederlandse Jeugd Instituut y e raport di Kinder Ombudsman. Adaptando e na Aruba su custumbernan y cultura.

E proyecto di ley pa Plan di Mayor Obligatorio ta escencial pa nos comunidad henter y nos muchanan en especial.

Michella Steenvoorde-Lacle kier a pidi Dios danki pa pone e vision aki den su curason, y conectami cu e personanan corecto y den e posicion pa por obra.  

Un agradecimiento  na Minister Andin Bikker y Minister Glenbert Croes pa sostene  e propuesta di ley pa Plan di Mayor obligatorio pa mayornan cu ta bai separa.

Sin lubida e team di expertonan cu a forma parti di cie. Voortgezet Ouderschap Aruba, cu di inicio a sa di trece e expertonan corecto hunto.

Pa mas informacion encuanto e poyecto aki bishita su facebookpagina Michella Steenvoorde -Lacle.