Chauffeur herida despues cu auto di Polis a dal contra su Suzuki Swift na altura di Linear Park

Diamars atardi algo pasa di 3’or, Polis di Oranjestad bayendo un asistencia a haye envolvi den un accidente di trafico.

E accidente a sosode poco pariba di e parke unda e busto di Boy Ecury ta situa.

Locual a sosode tabata cu e patruya di Oranjestad tabata bayendo un asistencia y tabatin su sirene on, pero su zwaailicht no tabata sendi. No ta conoci si e por ta defecto of e tabata paga.

E Suzuki Swift lo a bay bira pa parkeer y haci un entrega, momento cu e ta birando e patruya di Oranjestad a dal e parti patras banda robes.

Mesora e agentenan a baha pa mira e situacion di e chauffeur. A resulta cu e chauffeur tabata herida, kehando di dolor den pecho. Mesora a pidi pa ambulance, esaki a tarda un poco nos mester bisa.

Na yegada Paramediconan a pidi pa materiaalwagen di Brandweer pa yuda habri e porta.

Despues cu el a wordo saca di e auto Paramediconan a transporte pa Hospital.

Departamento di Trafico a presenta pa haci un investigacion y tambe Departamento Tecnico.  E auto di Polis a sufri hopi daño y ambos mester a wordo movi cu takelwagen.