Anthony Godett a proponé pa gobiernu saliente paga amtenarnan sèn di fakansi

WILLEMSTAD – Gabinete Rhuggenaath i Hulanda a firma dia 2 di novèmber di aña 2020, ehekushon di e landspakket. Konsekuensia di esaki (t)a resultá, ku empleadonan públiko pa luna di yüni 2021 no ta kobra na plaka di fakansi di kustumber.

Empleadonan públiko a tuma nota, ku e desishon di kòrta 12.5% den kondishonnan di trabou, NO ta konta igual, pa trahadornan di kompanianan anónimo di Gobièrnu. Gobièrnu NO por permití diskrepansia i diskriminashon entre su trahadornan.

E ta di opinion ku no por perhudiká 4.136 empleado públiko i esakinan nan yiunan, ku mester kumpra material di estudio i otro asuntunan.

Ta p’esei Anthony Godett pa frakshon partido KEM, despues di a wòrdu aserká, risibí diferente yamada di telefon i keho di empleadonan públiko, a presentá siguiente proposishon pa paga plaka di fakansi 2021.

Gobièrnu na luna di yüni 2021, ta paga un forskòt di 3% plaka di fakansi na su empleadonan públiko. Na luna di yüni 2021, Gobièrnu ta kuminsá retené na rason di 6% plaka di fakansi, ku mester wòrdu paga na yüni di aña 2022.

Na yüni aña 2022, Gobièrnu ta paga 3% na plaka di fakansi na empleadonan públiko. Esaki ta bira budgetneutraal p’e empleado públiko; Gobièrnu di su parti, di e forma aki ta koperá ku su empleadonan públiko, ku último 4 añanan tabatin n’e difísil; Empleadonan públiko atrobe ta kuminsá kobra 6% di plaka di fakansi na luna di yüni di aña 2023.

Ku e proposishon di órden aki ke logra, uniformidat di empleadonan di Gobièrnu i kompanianan anónimo di Gobièrnu, pa stòp demotivashon den aparato gubernamental, garantisá bon servisio na públiko i oumentá produktividat na trabou.

A entregá e proposishon di órden aki na señora Presidente di Parlamento, señora Charetti America-Francisca. Parlamentu a bai unánimamente di akuerdo ku e petishon hasi.