Benny Sevinger y su señora deteni pa caso Avestruz

Ayera parti mainta, despues di un entrevista cu Erin Croes di Magic FM, Benny Sevinger di AVP y compañantenan a bay bebe coffee na de La Salle Straat ora cu autoridadnan a yega y a deten’e bay cu n’e. Pero contrario na protocol, no a pone Benny Sevinger den boei, pero a pidi’e pa compaña esnan di Landsrecherche. Despues den dia, Ministerio Publico a afirma cu Benny Sevinger a keda deteni.

Sospecha den e caso di Avestruz cu investigacion andando n’e momentonan aki, pa cual tin varios persona ainda deteni.

Despues di su detencion,  24Ora.com tabatin un grabacion, unda Sevinger a duna su banda di medaya. Esaki tabata anticipacion di loke lo pasa, unda Sevinger ta splica su banda di e moneda den tal caso cu e wordo deteni.

El a haci’e hopi cla den e video dirigi na pueblo y Ministerio Publico cu e ta mantene su inocencia.

Sevinger a tuma esaki como un punto central na su defensa y ta acusa partido MEP di a presiona MP pa haci un acusacion contra dje.

Convenientemente MEP ta purbando di remedia e daño haci n’e kiebre di integridad dor di acusa y impone interogacion riba AVP pa ademas yudanan gana e eleccion.

El a acusa Gobierno di ta uno dictatorial y autoritario, aunke den carta no tabata bisa concretamente cu no tin posibilidad cu por yega na un decision riba su caso prome cu september, sino cu tin un probabilidad grandi.

Benny Sevinger ta para firme riba su inocencia y cu pronto e berdad lo sali.

Mientras su fanatica a dicidi cu lo sigui cu su campaña, pasobra AVP lo sali victorioso den proximo eleccion.