Boto cu piscadonan ainda perdi riba lama

Dialuna 17 di mei 2021 e Centro di Rescate y Cordinacion di Wardacosta a haya un yamada urgente di un famia. E famia a indica cu e tres piscadonan, cual ta nan familiares y nan boto no a regresa cas y cu nan lo ta perdi riba lama.

E tres piscadonan a sali cas cu nan boto White Fish pa bay pisca y no a regresa. E famia di e piscadonan a tuma contacto cu Wardacosta pa haci un busqueda y rescate urgente pa nan famia riba lama.

Wardacosta den un operacion pa haya e piscadonan a cordina un busqueda di algun dia cu e helicopter, e avion Dash y un Metal Shark p’e busqueda y rescate di e piscadornan, pero no a logra haya nan.

E operacion di busqueda y rescate di e piscadornan a ser traslada pa autoridatnan di Colombia.

P’e motibo ku ta sospecha cu e piscadornan lo a drief bai den e area di search and rescue cu ta cay bou di responsabilidad di Colombia.

E autoridatnan di Colombia lo sigui cu e busqueda di e piscadornan y Wardacosta lo keda den contacto cu e autoridadnan pa keda na altura di cualkier informacion of noticia di e piscadornan perde. Wardacosta ta desea e famia di e piscadornan hopi forsa.