Ministerio Publico creando tension politico sumamente peligroso den tempo di eleccion

Detencion ayera mainta di Parlametnario y candidato di partido AVP, Benny Sevinger, tabata algo cu pa algun dia caba tabata sumamenta anticipa, sigur ora cu mira e forma di procede di un Ministerio Publico cu ta insisti pa daña su propio imagen cu loke por wordo cataloga como accionnan politico.

Un “modderpoel” ta loke e imagen di Ministerio Publico ta hayando caminda mas y mas ta sali na cla cu e institucion aki, cu t’asina importante den e sistema democratico, ta insisti p’esaki tuma lugar y caminda e ta mustrando un tendencia sumamente peligroso.

Loke mas y mas ta birando mas fuente den opinion di pueblo, ta cu Aruba tin un Ministerio Publico cu por wordo manipula politicamente, cu pa di dos eleccion sigui ta insisti pa influencia e pensamento di voto di ciudadanonan ya cu realmente no por saca otro conclusion.

Loke sin duda ta haci daño grandi n’e imagen di imparcialidad di Ministerio Publico, t’e carta cu Fiscal Gerretschen a dirigi na abogado di Benny Sevinger dia 17 di maart di e aña aki, despues cu abogado David Kock a  pidi claridad den e investigacion contra di su cliente den e caso Avestruz.

Abogado Kock a pidi claridad pa su cliente, cu tin mas c’un aña bibando den incertidumbre, bibando cu henter su famia, den un situacion cu no ta agradabel, sperando e momento cu lo bin detene Benny como parti di e investigacion.

Na lugar di atende cu e sospechoso den e denuncia naci pa integrantenan di partido MEP, Ministerio Publico a dicidi di piki hende aki aya cu a traha cu e ex Minister p’asina traha algo pa asina yega n’e momento di ayera mainta, cu detencion di Benny Sevinger.

Dia 17 di Maart, Ministerio Publico ta confirma cu e situacion di pandemia y cantidad di trabou, ta pone cu ainda no tin nada contra di e candidato di partido AVP y enfaticamente a mustra n’e abogado lo sigiuiente: “De VERWACHTING is dat de vervolginsbeslissing NIET voor September 2021 genomen zal kunnen worden,” pa colmo un fecha cu lo tabata net prome cu e proceso electoral cu mester a tuma lugar na september.

No solamente e declaracion ey, pero tambe Fiscal Gerritschen a mustra den su carta otro punto sumamente interesante y interesante cu ta atacha credicilidad di su Ministerio bisando:
“Thans (red. 17 di maart 2021) bevindt het onderzoek zich nog in de opsporingsfase. Nadat getuigen en verdachten gehoord  zullen zijn, zal den Landsrecherche een dossier opmaken en die overleggen aan het openbare ministerie. Na bestudering van het dossier zal hen openbare ministerie een vervolgingsbeslissing nemen.”

Pues un investigacion cu lo a defini si sr. Sevinger lo tin cu wordo persigui cu Fiscal Gerritschen ta kere cu ta te na september kisas lo tin claridad, a bin cla den algun siman  y ta prome biaha cu Landsrecherche a hinca un dossier asina complica den otro, den asina corto tempo, a scucha asina hopi sospechoso y testigonan, traha e dossier pa ayera bay over na detene Benny Sevinger contra kende e denuncia inicial di hendenan di MEP tabata.

ADELANTE

Dor di e decision di e lider di MEP pa manda su Gobierno cas na luna di maart, e proceso electoral a wordo adelanta cu tres luna y awor di repente Fiscal Gerritschen a converti su mes den e “Mago Gerritschen” cu awor cuater siman prome cu eleccion, ta bin cu e tipo di maniobranan politico aki.

Ta mas cu claro cu esaki ta hostina hopi hende, ta logico cu e tension politico desde ayera merdia a bira mucho mas pisa y mucho mas serio, caminda hendenan cu ta mira e maniobranan politico aki di Ministerio Publico, lo por lanta contra di mesun institucion aki y si esey sosode esnan concerni cu ta maniobrando politicamente, mester haci manera e dicho Hulandes ta bisa: “Hand in eigen boezem steken.” Tabatin hende cu ta cla pa subi caya y protesta contra di maniobra di Ministerio Publico cu ta hunga cu candela. Ta otro morto OM kier mira cay atrobe den campaña?