SETAR: Sponsor di 2021 UANA Pan American Artistic Swimming Championship

SETAR N.V., como nos compania nacional di telecomunicacion, ta sigui aporta na comunidad y deporte di Aruba. E biaha aki SETAR ta un di e main sponsornan p’e campeonato di UANA Pan American Artisic Swimming 2021 cu ta wordo organisa na Aruba.

Aruba caba ta conoci pa a host den pasado diferente campeonato di natacion manera Caribbean Islands Swimming Championships, Cariffa y CCCAN, tur organisa dor di Aruba Aquatics Federation.

E biaha aki 200 participante di 14 pais di Sur America, Central America y Caribe lo competi p’e titulo maximo. E campeonato aki lo tuma lugar dia 26, 27 y 28 di mei na Piscina Olympico Roly Bisslik.

Pa tur hende cu kier mira e tremendo competencia aki, e lo wordo pasa “Live” na TeleAruba canal 23. Awe diahuebs 27 di mei di 4.15 pm pa 8.00 pm y e ultimo dia diabierna 28 di mei di 9.00 am pa 5.50 am. Comunidad completo ta wordo invita pa sintonisa y apoya nos atletanan via TeleAruba canal 23.