Yamada riba empleadonan di airport St. Maarten pa no welga

PHILIPSBURG – Direktiva  di Princess Juliana International Airport (PJIA) a hasi un yamada urgente riba empleadonan dje kompania pa no partisipá n’e welga ku reportadamente trahadornan lo kanta e siman aki.

E Direktor Finansiero dje kompania, Brian Mingo i hefe di operashon Michel Hyman a manda un karta pa tur empleado den tal sentido. E hunta di supervishon tambe a firma e karta.

E karta ta atverti ku si tene welga, nan ta brua tur aktividat ne terminal i avion no por subi of baha.

E trahadornan lo ke welga pa dos motibu: Unu pasobra airport debe nan bonus i salario te for di 2017 i e hecho hunta di supervishon a representé Brian Mingo komo direktor.

Aña pasá e trahadornan a welga pa mesun motibu. Den e karta ta pidi e trahadornan pa no welga, pasobra pais ta den un situashon finansiero prekario i no por paralisá e puerto di entrada prinsipal pa turista ku mester keda operashonal.

Aki dos siman temporada di bishita dje krusero “Celebrity Millenium” ta kuminsa na Sint Maarten.

Gerensia dje airport a informá Ministernan dje menasa  di welga pero a informá tambe ku nan tin un Plan B.