Den bario di Kurasoleño na Rotterdam…..

WILLEMSTAD – Diarazon mainta tabatin un krimen horibel den e bario na Rotterdam-Zuid kaminda tin sentenares di Kurasoleño ta biba pa desenas di aña kaba i ta un bario tipiko pa hendenan prosedente di Kòrsou. Ta sosodé ku un grupo di mucha homber  a yega na kas dje hoben di 17 aña kual Polis no ke duna su identidat ainda.

Bisiñanan a mira gran parti dje drama ku a sosode den portal dje kas den Meester Arendstraat na Rotterdam-Zuid. Nan no por a kere ni kompronde  kon poko hoben a puñala e hoben di 17 aña mata a sangre fria a leshona e mama di 44 aña tambe. Nan a herid’é na su brasa i ambulans mester a hib’e hospital.

Inmedatamente Alto Mando Polisial di Rotterdam a asigna 20 reshershe riba e kaso pasobra nan ta harto kaba dje kantidat di asesinato k kuchú k ta sosode den e siudat.

E bisiña ku ta biba den e apartamento ariba di e kas ta malamente emoshoná i tabata den kama ora e krimen a sosode. Ta Polis a ring e bèl na su porta pa bisé ku e tin ku por Sali, pasobra nan a buskando e asesino.

E bisiña a konta ku e famia ku a bira viktima dje atake  ta un famia masha normal i nan ta biba bon ku otro. E viktima tabata forma parti di un famia ku tres u di kual dos tabata na kas ainda. E ruman muhé a bai skol i e tata di kriansa a bai traha. E señora tin desenas di aña ta biba den e kas.

Den e bario tin desenas di famia i konosí dje famia. Tur loke a konosi ainda ta ku banda di miar di dies’or poko mucha homber a drenta e portiek i a hinka e hoben mata pa despues kore bai.