Motociclista (27) cu hopi golpi na cara despues di a dal contra un Toyota Yaris

Diahuebs mainta tempran den careda di 7’or un accidente serio a sosode n’e crusada pariba di Parlamento. Tabata trata di un accidente un biaha mas entre auto cu bromer.

Na yegada di Polis a pidi ambulance cu urgencia, esaki debi cu e motociclista tabata parcialmente bou di e Toyota Yaris. A pidi tambe pa Polis di Trafico y Slachtofferhulp.

Na yegada di Ambulance, e Paramediconan a bay atende mesora cu e motociclista (27) cu tabata boca abou riba caminda. 

El a wordo lanta y hinca den ambulance, unda cu nan a keda stabilise y a sali despues di basta rato cu ne direccion Hospital. 

Segun informacion n’e sitio e cabayero a haya hopi sla na cara, pero e lo ta bay ta ok.

E accidente a sosode momento cu e chauffeur di edad no a mira e bromer momento cu el a bay bira na su man robes.

Caminda a keda sera pa algun rato, pa Departamento di Trafico por a haci su investigacion hunto cu BFTO (Departamento Tecnico).