Arends, Abath y Every a ser laga den libertad, mara na condicion

Diaranzon 26 mei 2021 e sospechonan Osling Benny Sevinger  y Claudia M.C.H. a keda deteni.

Sevinger ta wordo sospecha di a comete varios hecho castigable entre otro, soborno (omkoping), abuso di cargo (ambtsmisbruik), labamento di placa (witwassen) y participacion na un organizacion criminal (deelname aan een criminele organisatie). C.H. ta wordo sospecha di labamento di placa.

Ayera despues di merdia Huez-Comisario a trata e detencion (verlenging inverzekeringstelling) di e dos sospechosonan aki. Tur dos, tanto Sevinger como Claudia H., lo keda den detencion pa awor na interes di e investigacion.

Ademas Huez-Comisario a trata ayera despues di merdia e peticion entrega dor di Ministerio Publico tocante detencion di e sospechoso Peter Th.A.Susebeek.

Huez-Comisario a duna ordo pa detencion (gevangenhouding) di Susebeek y a dicidi cu e sospechoso aki tambe lo keda den detencion p’awor.

Riba peticion di Ministerio Publico, Huez-Comisario a suspende detencion den e casonan contra e sospechosonan Franklin F. Abath, Freddy P. Every y Maria Leoncita Arends. mara na condicionnan. Banda di condicionnan general, Huez-Comisario a pone como condicion especial cu e sospechosonan ta prohibi di tin contacto cu cierto persona y cu nan mester coopera cu e investigacion.