SETAR ta entrega proyecto di Fortinet

For di aña pasa, SETAR ta ofrece e servicio nobo di Fortinet su Fabric Network y Unified Threat Protection. E red aki ta consisti di Fortinet Switches, Next Generation Firewall y Access Points.

E sistema aki ta ideal pa scol y companianan, pasobra ta combina un local area network cu Wi-Fi y ta ofrece un “Unified Threat Protection” (UTP) cu e cinco aplicacionnan mas importante pa protehe bo red.

Aña pasa e servicio aki a wordo instala na Instituto Pedagogico Arubano (IPA) y recientemente SETAR a instala esaki na Colegio Arubano. Awor tur alumno di e scolnan aki por ta conecta na Wi-Fi cu speednan halto. Esaki ta hopi importante pa enseñansa di futuro ya cu ta bay un stap mas leu cu conecta e scol so riba Internet.

E sistema di Fortinet ta uno cu ta hopi “user friendly”. Cu e sistema aki bo por wak reportahenan y tuma accion mas liher ora cu tin cualkier problema, p.e. bo ta haya un notificacion mesora un access point cay y tambe ki tipo di notificacion e ta.

E sistema aki ta bin cu, entre otro, un “Application Control” unda cu por wak ki aplicacionnan ta wordo uza riba e red, tambe e ta ofrece “Intrusion Prevention” cu por detecta ora un persona ta purba hack e red y e asina yama “Fabric Technology” cu ta haci’e posibel pa wak tur device cu ta uza e red. Tur e aspectonan aki ta mehora bo experiencia ora di uza Internet y tambe e “Network Performance”.

Como SETAR nos ta orguyoso di por sigui extende servicionan di siguiente generacion na nos clientenan banda di tur e otro servicionan cu nos ta ofrece.