Accidente na Angochi a laga un hobencito herida atras

Diasabra mainta algo pasa di 10’or, Polis di Trafico a wordo pidi na altura di un minimarket na Angochi pa un accidente di trafico. 

Na yegada di dos unidad di Polis, nan ta topa e vehiculonan ainda riba caminda. Tabata trata di un Nissan Sentra y Toyita Vitz.

E agente policial na su yegada mesora a mira kico pasa, esaki tabata visibel n’e lastro di brake riba caminda. Esey tabata di parti di e auto color preto.

N’e sitio nos a compronde di e señora chauffeur di e Nissan, kende lo a bay haci un u-turn y e solo lo a blind’e, pues causando cu e no a mira e Toyota preto.

Chauffeur di e Toyota a reacciona mesora y sera brake, kitando bay na su man robes, pero asina mes ta dal contra e Nissan. Den e Vitz un hobencito a resulta herida, despues cu el a bay dal su cara contra e radio di e auto, e tabata yorando ora cu Polis a yega di basta dolor.

A pidi ambulance y na yegada paramediconan a atende cu e hobencito.