Filomena College MAVO, orguyoso di nan condecorado meneer Addonsito Croes

Directorado di Filomena College MAVO na San Nicolas, no a laga e oportunidad unico aki pasa sin duna atencion na dje. Esaki ta como cu luna pasa, meneer Addonsito J. Croes, maestro di Geschiedenis y Aardrijkskunde pa 10 aña n’e scol, a ricibi e Condecoracion Real como Lid in de Orde van Oranje Nassau 2021.

Tabata durante di e Algemene Leraren Vergadering cu Directora Raquel Lampe, Directora adhunto Joraine Duzong-Oduber hunto cu coleganan, a felicita y haci entrega di un bolo decora den estilo Hulandes den e colornan oranje cora blauw y blanco.

E mensahe tabata cu scol ta orguyoso di tin un maestro cu ta un bon ehempel pa hoben y adulto riba Aruba.