Polis man yen riba e prome weekend despues di 6 luna di TdQ

Diadomingo pasa di mey anochi despues di hopi siman keto, varios patruya mester a acudi un biaha mas na Linear Park. Mester añadi cu Polis prome cu el a bay Linear Park, mester a pasa parti pafo di otro 2 establecimiento conoci unda tabatin bringamento.

Tabata pasa di 12’or di anochi, unda cu 11’or ta orario di ciere/sluitingstijd y caya si ta bon p’e ora eynan lo mester tabata basta trankilo. Pero esaki a resulta tur lo contrario.

Manera ta conoci Aruba mester a bay bek bou TdQ cu a dura por lo menos 6 luna, y weekend aki tabata e prome weekend ban pone asina di “freedom” y a sali goza e anochi. Cuminsamento di siman Gobierno di Aruba a anuncia cu TdQ a wordo elimina y manera tur parti di mundo, hendenan ta bira contento.

Nos por a mira algun establecimiento cu sa cu e orario di ciere a keda 11’or tog tabata pusha nan suerte y keda habri un tiki mas laat tog.

Linear Park t’e dolor di cabes di Cuerpo Policial tur fin di siman, y e weekend aki mes lo tabatin bringamento unda cu nos a compronde machete a wordo saca. Na yegada di Polis esnan envolvi ya lo a move.

Nos ta papiando aki di 12’or pasa, pues un ora despues cu e lugarnan eynan a sera.

Aki por mira cu e establecimentonan na Linear Park ta sera 11’or, pero manera semper ta keda un grupo grandi ta bebe y toca radio duro di nan auto causando molester y di un ta bin e otro.

60 y algo mil habitante a vacuna, entre e grupo aki tin cu a tuma solamente e prome vacuna.

Pues nos mester ta consciente cu eyfonan tin un grupo grandi canando rond y exponiendo nan mes y tambe nan sernan keri n’e virus mortal di Covid-19. Y si bo kier pa tur cos bay bek “normal” lo ta bon pa bo papia cu bo Huisarts y lage splicabo tocante e vacuna. E virus tey y e no a bay, dus sea conciente proteha bo mes y bo famia. No laga ni abo of bo sernan stima bira un number di statistieken.