AVB a bolbe manda seleccion pa dos Partido sin ta debidamente prepara

Diasabra ultimo nos seleccion nacional a biaha pa Bradenton, Florida pa hunga dos wega eliminatorio di Campeonato Mundial di Futbol Qatar 2022. Awe diarazon 2 di juni, nos seleccion nacional lo enfrenta e ekipo di Cayman Islands pa 6or di atardi den IMG Academy Soccer Stadium na Tampa y diasabra 5 di juni contra di e ekipo di Canada pa 8or di anochi den e mesun stadion.

Arubaanse Voetbal Bond a haci su maximo esfuerso y a busca 10 hungador residencia na Hulanda y Venezuela pa bin reforsa nos seleccion nacional.

E 10 hungadonan ta Fernando Lewis, Darryl Bally, Noah Harms, Diederick Luydens, Marlon Pereira, Jonathan Richard, Joshua John, Javier Jimenez, Terence Groothusen y Glenbert Croes.

AVB ta orguyoso di nos seleccion nacional y nos ta sigur boso lo representa nos dushi di isla di Aruba dignamente durante ambos weganan. Nos ta convenci cu e esfuerso y dedicacion di tur e hungadornan y e staff tecnico lo duna un bon resultado den ambos weganan.

Esey ta un deseo di AVB, pero atrobe ta manda un seleccion sin e ta debidamente prepara. Si Aruba gana Cayman Islands, ta di spera, pero Canada a demostra di ta hopi fuerte pa Aruba.