Hobennan di 16 y 17 aña cu condicion di salud tambe ta cuminsa wordo vacuna contra Covid-19

Entrante ayera diamars 1 di juni, DVG ta cuminsa vacuna hobennan di 16 y 17 aña cu ta sufri di cierto enfermedad of condicion di salud. E hobennan cu ta sufri di e siguiente enfermedadnan of condicionnan di salud por cuminsa yama 280.0101 pa registra y ricibi un cita. E enfermedad ta:

  1. Hoben cu obesidad (body mass index (BMI) >30): 2. Hoben cu diabetes mellitus tipo 1 y 2: 3. Pashent cu condicion grave di nan via respiratorio/pulmonnan (p.e. astma):  4. Pashent cu condicion chronico di e funcionamento di nan curason: 5. Pashent bou tratamento cu ta supreciona e sistema inmunologico (immunosuppresiva):  6. Pashent cu ta cliente cerca institutonan pa personanan  mentalmente handicap:  7. Hoben cu e sindrome di Down: 8. Pashent cu tumor maligno, diagnostica den e ultimo 5 añanan: 9. Pashent cu disfuncion grave di rion of cu ta dialisa: 9. Pashent cu a pasa dor di transplante di organo of stemcel, of cu ta riba lista pa un transplante di organo of stemcel” 10. Pashent cu un deficiencia inmunologico primario severo: 11. Pashent cu condicion neurologico pa cual motibo nan respiracion ta comprimi: 12. Pashent cu malesa di sikkelcel.

Mayor di e hoben cu tin duda si e hoben ta cay bou di e grupo di riesgo aki, por tuma contact cu su dokter di cas of specialista. Pa vacuna, e persona mester yama DVG na 280-0101 pa haci un cita. Riba dia di vacunacion, no ta necesario pa presenta cu un verwijsbrief di dokter n’e prikpost. Si ta necesario cu e hoben ta presenta cu un mayor of voogd.Solamente hoben di 16 of 17 aña cu ta cay den grupo di riesgo aki, lo por wordo vacuna n’e momentonan aki.