Muher Dominikana rekonosé pa Portorikeño siglo pasá no por bira Hulandes ainda

WILLEMSTAD – “Legalise” manera profeshonalnan den lei sa referi n’e lenguahe i hurisprudensia di eskritonan di lei ta un tema hopi diversifiká speshalmente den kasonan ku ta un berdadero reto pa huristanan di taya.

Kue p.e. e kaso ku resien Korte di Hustisia Komun a konsidera, pero no por a yega na un desishon i por lo tantu a manda e kuestion pa un instansia super profeshonal den e materia Korte Supremo i ‘Kranshi’ na Den Haag.

Kranshi na Den Haag ta dispuesto pa analisá e ‘trabalengua legal’ aki i duna nan aporte pa haña klaridat.

Esensia dje kaso ta ku e muhé Dominikana kende a nase na 1975 na Republika Dominikana a nase na Republika Dominikana di mama soltera y despues un homber Portorikeño ku tin nashonalidat Merikano a rekonosé e yiu.

Un abogado di Kòrsou ta representá e Dominikana kende su mama i kasá di su mama ta biba na Sint Eustatius.

Pa repasá e kaso Korte di Hustisia a konvoká presensia di un batayon di instansia ofisial for di Minister di Hustisia di Kòrsou te i Hefe di Registro Sivil di Kòrsou.

Dia 26 di maart Korte di Hustisia Komun a diskuti e kaso internamente ku intenshon pa someté e kaso na Korte Supremo den forma di un pregunta.

YIU DI MAMA DOMINIKANA TA INSISTI

E yiu di mama Dominikana i esaki su kasá ta insisti pa haña kontesta riba e preguntanan mustrando ku tin hurisprudensia den dos kaso ku tabatin den e sentido aki kaba na Antia den pasado. E yiu di mama Dominikana tabata ke pa nan puntra Korte Supremo tambe pa si dado kontesta bin for di Hulanda ku e no tin nashonalidat Hulandes kaba e hañé tòg, pero Korte di Hustisia a haña ku e pregunta aki ta impertinente.