McDonald’s Aruba a participa den un total di 3 proyecto di Aruba Doet!

Aruba Doet a tene su di 8 edicion di e evento boluntario mas grandi di Aruba, y empleadonan di Arcos Dorados – McDonald’s su frankesia di mas grandi na mundo y e cadena di restaurant mas grandi na Latino America y den Caribe – no a keda afo. E restaurant a trece nan empleadonan hunto p’asina por participa y yuda como boluntario durante e evento.

Un total di 13 empleado di Arcos Dorados a participa durante henter e weekend, dunando yudansa na 2 diferente organisacion cu 3 proyecto. E interes for di Arcos Dorados su empleadonan mas jong tabata tremendo, nan a responde rapidamente n’e oportunidad pa duna un man na nan comunidad.

E 2 organisacionnan cu Arcos Dorados a escoge pa yuda ta Centro Man na Obra y YMCA Aruba, tur dos cu un enfoke riba e aumento di abilidadnan di nos hobennan local p’asina nan por tin exito den haya un trabao y haya aceso na mihor oportunidadnan economico.

Centro Man na Obra eigenlijk t’e organisacion cu McDonald’s ta apoyando caba durante nan evento anual di ‘Great Day’; unda cu Arcos Dorados ta haci un donacion di tur e fondonan di cada Big Mac cu wordo bendi riba e dia aki na organisacionnan non-profit cu ta trahando duro pa crea mihor oportunidadnan na nos hobennan.

Centro Man na Obra ta brinda guia laboral na nos hoben y adultonan cu un deficiencia intelectual; p’asina e persona por bira mas independiente, sinti su mes mas util, y hasta p’e por haya un trabao den nos mercado laboral. E team cu a participa n’e proyecto di Centro Man na Obra a haci un bon trabao ta chapi tur e yerba cu tabata creciendo rond di e edificio y tambe nan a haya un rondleiding di e lugar p’asina por conoce e organisacion na un manera mas personal.