Morto di Atan Lee a sorprende tur hende

Ningun hende por a pensa cu  ora el a subi cama diabierne anochi, cu Atan Lee lo no lanta  mas. Tabata diasabra mainta ora cu a nota cu Atan Lee no a lanta, a bay lante y asina a constata cu Atan Lee a fayece den su soña na edad di 4 aña y tabata activo ainda.

E fayecimento di Atan Lee diasabra mainta a sorprnede tur hende cu a conoce y tabata un berdadero sorpresa. Pero manera hopi comentario tabata Atan Lee no a molestia ningun hende y a muri den paz di Señor.

Atan Lee ta un persona conocí rond Aruba y den Reino. El a yega di ocupa e funciona di Hefe di Protocol di Gobierno, y sigur un siguidor di Betico Croes. El a duna diferente curso di loke ta protocol y hasta a scribi un buki riba e tema aki.

Atan Lee for di hoben tabata envolvi den certamennan di beyeza,manera Miss Teenage International, Miss Aruba y consecuentemente tabata prepara e candidatanan riba diferente tereno pa eleccion. Tambe Atan Lee tabata skirbi, cuminsando tempo di Revista Amistad.

Y ultimamente tabata skirbi hopi riba e status nobo cu el a bin ta boga pa Aruba, esta pa haya un status di Gemeente Hulandes, pasobra tur esnan cu a sigui despues di morto di Betico Croes no a cumpli cu su deseo y pesey Atan Lee tabata kere pa Aruba bira un Gemeente Hulandes, cu tur beneficio cu esaki lo trece pa Aruba.

Fuera di un devoto di Mama Maria, unda sigur tur aña den luna di october ta organisa e Misa Nacional na Kapel di Alto Vista, halando hopi hende. Pesey ya caba a ta ser bisa cu Atan Lee ta bay haci falta. Atan Lee ta organisa tur aña e Caminda di Cruz saliendo for di su cas pa Kapel di  Alto Vista. E aña aki, esaki no tabata por debi n’e pandemia.

No solamente esey, Atan Lee tabata un empresario tambe. E ta propietario hunto cu su famia di Peanut’s Restaurant na Playa.

Atan Lee tabatin 74 aña di edad, casa y tin tres yiu homber. Y sigur tabata un rolemodel pa sigui. Tabata un placer pa tabata su amigo.

Nos ta expresa palabranan di condolencia y ta desea famia Lee hopi forsa den e momentonan dificil aki. Cu Atan sosega na paz.