“Son of the soil” ku a retorná su pais pa traha a gana kaso kontra gobiernu

PHILIPSBURG – Menos mal ku un ‘Son of the soil’ di Sint Maarten ku a retorna su pais pa traha pa despacho di Prokurador General no a resigná ora ela reklamá su derecho komo ‘ex patriate’ i ku awor a habri kaminda pe demanda gobiernu pa Naf. 27,251 florin ku el a pèrdè di gana pasobra Belasting no a honra su derecho.

Minister di Hustisia tambe a faya den e kaso aki sea pa ignoransia of falta di konosementu di regla ku e no a informe ex patriate na tempu di su derechinan.

Pa kolmo, ora ku el a hiba gobiernu Korte, Hues no a duné rason den promé instansia.

Pero el a persisti i den Korte di Hustisia el a haña rason i awor por laga un Hues Civil atendé su reklamo.

E èks empleado na despacho di Prokurador General a sufri perwisio pasobra Minister no a informé na tempu ku tin un dekreto di ex-patriate ku a konta pa su persona.

I esaki ta trese nos na e konsepto di areglo di ex-patriate.

Hopi biaha hende ta lesa of tende na radio e palabra areglo ex-patriate sin sa kico e ta nifiká.

E ta un areglo fiskal (belasting) ku tin komo meta pa atraé trahadornan eksperto for di otro pais ku si otro manera lo no a bin traha pasobra sistema di belasting no ta faborabel pa nan.

E areglo ex-patriate ta kontené regla pa kalkulá kuantu Loonbelasting e ex patriate tin ku paga riba su salario i kompensashonnan èkstra.

E ta konta pa trahadornan ku ta eksperto riba un tereno i ku no tin den nos pais riba merkado laboral. Ta trata di un areglo ku a keda dekretá dia 1 desèmber di 1998.

Komo resultado di un kaso di Korte di Apelashon a adaptá e areglo 12 aña pasa i awor yama  Beschikking ex-patriates 1998.

KONDISHONNAN

Pa bin na konsiderashon pa haña benefisio di e areglo, e empleado mester a biba sinku aña konsekutivo den eksterior i no den su pais natal. E mester a studia un profeshon akademiko kual no tin na Sint Maarten i por lo menos sinku aña di eksperensia.

E mester gana un salario di por lo menos 150.000 florin pa aña. E èks empleado di despacho di Pokurador General awor por kuminsa su demanda pa kobra Belasting plaka ku nan a kobré di mas.