A.S.U. su “Ban Move Camp“ 2021

Directiva di Aruba Sport Unie ta informa cu e aña escolar ta yegando su final un biaha mas y Aruba Sport Unie conhuntamente cu Gobierno tin un programa di DEPORTE VACACIONAL cla pa ofrece nos muchanan .

“Ban Move Camp” ta un conhunto di actividadnan deportivo cu ta wordo organiza anualmente dor di A.S.U. y su Federacionnan cu e sosten di Ministerio di Deporte.

“Ban Move Camp” ta wordo organisa durante luna di juli, cada siman na un localidad diferente.

E aña aki “Ban Move Camp” lo t’e prome siman na Sport Centrum San Nicolas dia 12 di juli t/c cu 16 di juli, e di dos siman dia 19 t/c 23 di juli, na Fundacion Facilidad Deportivo na Noord, y di tres siman dia 26 t/c 30 di juli, e Camp ta na Centro Deportivo Betico Croes.

Inscripcion y pago ta posibel for di 8 or di mainta te cu 12 or di merdia y for di 1 or di merdia te cu 4 or di atardi na oficina di Aruba Sport Unie, na Centro Deportivo Betico Croes na Santa Cruz.nummer di telefon ta 585-4067 / 585-4071. E mayor of e voogd di e mucha mester trese kaarchi AZV (valido) di e mucha ora di bin inscribi.

Tin solamente 120 cupo disponibel den cada siman di Camp. Y e edad ta di 6 pa 14 aña.

E “vacantie camp” ta for di 8 or di mainta pa 1 or di merdia pa tur 3 siman.

Ta exigi pa tur mucha bin cu keds y short bisti y pa nan desayuna prome cu nan bin mainta. Pa mas informacion por tuma contacto cu ofisina di A.S.U. 5854067/4071