Expresa Bo Mes: Esnan cu dicidi di vota Benny Sevinger ta bisa NO na inhusticia

E hecho cu OM a scohe un timing pa investigacion den pleno campaña atrobe contra partido AVP ta un indicacion fuerte di persecucion politico den pleno campaña.

P’esnan cu no ta mira esaki ta pasobra of nan ta MEP of nan kier keda ciego p’e sistema.

“Cu nos kier tin fe den nos sistema hudicial, no tin duda, pero aparentemente e sistema ta corumpi pa influencia aheno y politico”, asina um observador a indica.

Cu e sistema ta corumpi y cu mester pidi un investigacion profundo riba con investigacionan ta start, con nan ta ser motiva y ta dicidi pa cuminsa, ta sumamente importante.

E ta mesun importante pa pueblo haya confiansa bek den e sistema hudicial completo. Si mester haci un encuesta aworaki nos lo sinti cu loke ta biba den comunidad ta miedo.

Miedo pa nan no serabo inhustamente. Miedo pa nan abusa di nan poder. Esey ta loke e propio OM y LR a crea dor di a confirma nan movecionnan di e ultimo 2 eleccionan aki, motiva politicamente den pleno campaña electoral. 

4 Aña pasa a start un investigacion contra un Minister di AVP, kende ainda ta bringando su caso den Corte Superior. Un caso cu ta costando pueblo miyones y e famia miles di florin pa bringa pa nan defensa.

E eleccion aki atrobe ta bolbe scoge un candidato fuerte di e partido berde pa investiga.

Esun cu vota pa Benny Sevinger sa bon bon cu nan ta vota contra inhusticia.

Ta pesey nos ta bisa loke bo planta, bo ta cosecha, e impresion crea den pueblo ta uno di duda den nan mes, den e sistema y esey ta nan mes a crea esaki.