Papito Elmondalek a keda condena pa estafa di mas cu 300 mil florin

Hues a haya cu e ex-empleado di Romar Trading culpabel di a estafa e empresa.  Ta trata aki di Robert Elmondalek (71 aña), mihor conoci como Papito Elmondalek, kende a keda condena di 207 dia di prizon, di cual 180 dia ta condicional.

E caso a cuminsa ora a descubri cu Papito Elmondalek tabata presenta recibonan falso a trabes di e empresa fantasma Sherwood, cu Romar Trading a paga. E delitonan a tuma lugar entre dia 1 di januari 2013 y 31 di october 2016. Elmondalek a gana riba 300 mil florin hunto cu un complice.