Xpresa bo mes: “Nos organisacion hudicial: Respet incondicional y infalibel?”

Pa: Duke Croes

Den e dianan aki yen di hende ta zwaai cu na Aruba cu pasobra nos tin un sistema dogmatico gubernamental cu universalmente ta conoci como Trias Politica, TUR hende mester sera boca y no mag duna un opinion o pensamento riba e maniobranan (handelingen) di Ministerio Publico/Nos Hueznan, etc. E motibo ta cu aparentemente  e poder hudicial na Aruba ta propaganda nan mes como un Poder Divino o sea cu ningun hende mag tin otro pensamento.

Djis un pida cortico di unda Trias Polica a bin.  Y esey ta cu humanidad desde su inicio te cu siglo 17/18 semper a wordo goberna/domina dor di Reynan y Emperadornan (tsaarnan) cu semper a hiba un sistema di domina  e resto di poblacion di un manera totalmente dictatorial/autocratico. E tabata un sistema totalmente basa riba nepotismo. ( Friends and Family) y cu Iglesia como aliado/hunto cu aristocratanan (adel/de rijken).

Den e siglo/epoca di Enlucimiento na Europa (no America, ni Asia, ni Africa) a bin e pensamento cu tin cu corta e poder absoluto di e Rey (y su friends and family) y duna “E PUEBLO “ un partipacion y decision pa tur cos cu ta relevante p’e pais. Un di sabionan cu a lansa un formula ta (pa tene su nomber cortico) tabata e aristocrata y doño di hopi propiedad/tereno, e Frances miyonario Montesquieu. El a lansa e concepto cu e poder pa goberna un pais mester ta parti den tres. O sea un poder legislativo, uno ehecutivo, y uno hudicial. E pensamento ta cu e poder legislativo lo ta bay mengua e poder absoluto di e Rey mediante control y traha leynan. Y e poder hudicial tin e poder a base di control legitimo y puro pa controla tur esnan di e poder legislativo y ehecutivo. O sea tur tres poder ta independiente di otro y tin tur poder pa controla otro. “ PA EVITA CONCENTRASHON Y ABUSO DI PODER,” kiermeen cu NO lo tin previligiamiento ni persecucion mas a base di e derechonan igual di cada ciudadonan. Esey t’e teoria cu hopi hende ta basa nan mes y cu ta dicta cu tur ciudadano tin cu obedece y suhetanan mes incondicionalmente y ciegamente n’e loke e tres podernan aki ta determina. O sea e ser humano a perde tur su derechonan di opina y duna sugerencianan na bienestar di su pais.

Segun mi e unico cu por exigi y determina esey no ta ningun religion, poder, pero unicamente  SENJOR NOS DIOS. Y ningun poder o instancia terenal por impone cu un ser humano no tin derecho riba husticia.                                           Ban concreto awor. Na p.e Venezuela, Siria, Arabia Saudita, Iran, Noord-Korea, Rusia, China , Wit-Rusland, Oekranië, mihor mi stop y ni bay Afrika y resto di mundo, nan tambe tur tin boca yen cu nan organisacion gobernamental y nan Constitucion ta basa riba Trias Politica, dus AMEN, respete, y sera bo boca.                                                                                                                                                                                                   Na Aruba y den nos Reino, kisas demasiado humilde y ciega, nos a bay ta acepta maniobranan (handelingen) di e Poder Hudicial como dogma cu a wordo gepomp den nos mente cu e poder hudicial semper ta infalibel y untouchable. El a bira un automatismo indoctrinario di pensamento cu a perde for di bista e realidad cu derechonan di cada ser humano semper mester keda prevalece riba cualkier otro meta o proposito. El a para bira cu ta manera tur hende mester acepta cu solamente loke e poder hudicial haci t’e unico corecto. Segun mi mas cu Bijbel mes.                                                                                        

Ban concreto awor, cu e risico di mishi cu pensamento di hendenan cu sigur NO ta comparti e BERDADNAN aki. Dicon tin e hiarchia organisatorio di nos sistema hudicial den Reino Hulandes y hasta den mundo. Claro facilmente e poder hudicial lo bisa cu esey ta pa salvaguardia e derechonan di tur hende riba un procedura legal y hudicial corecto y husto. Pero ehempel di casonan concreto den e ultimo añanan den Reino a demonstra tambe cu ora di usa e giargia di e organisacion hudicial den Reino ta paso e prome trapinan di e sistema a faya. Cu tur risiconan cune di no bay profundo den e casonan  ehempel aki, a base di limitacion di espacio, t’e caso p.e. Parlamentario Endy Croes te cu Hoge Raad. Bisa kico bo kier, pero Landsrecherche, Ministerio Publico, Corte di Prome Instancia Y  Corte Superior dicon Hoge su uitspraak (jurisprundentie)? Dicon, pa keda den Reino,  Geert Wilders den su caso di “

Minder/Minder Marokannen” a gana su caso, pasobra e imparcialidad di e Huesnan cu tabata handle su caso a faya y de pronto mester a cambia tur e Huesnan.

Si mi bay bek den tempo di asina tanto casonan cu mi ta corda e caso di e eradicto respectuoso personalidad, Jossy Mansur contra e tempo ey Minister di Husticia Hendrik Croes, con informacion di indole totalmente priva a wordo publica.

Un caso caminda “Landsrecherche “ y Departamento di Impuesto tababta actornan principal. At the end danki Dios Jossy a gana su casonan. Pero tabata tempo cu e famia Mansur a sufri daño psychic y materialmente y tabata wordo yama “MANNAN SCUR“ culpando  e famia di ta enriquiciendonan mes cu “PLACA di DROGA Y PLACA Y SANGER”. Het Kan Verkeren.

No tabata humano con famia De Veer a wordo lastra, insulta, y humiya e tempo ey dor di mesun protagonistanan di awe. Mi ta corda cla cla cu den Parlamento Minister Hendrick Croes di tempo ey hunto cu D.f.m. Roland Lacle tabata habraca Swain Warf (Seaport Mall) y contra e brug di Sonesta (Renaissance) como fuente di traficacion di droga. Dicon mi a usa ehempel di e temponan pasa, ta pasobra e avanlancha di persecucionnan di e tempo ey caba a wordo canalisa dor di nos sistema hudicial. Lagami nos bay mes den e envolvimiento di Cuerpo Policial y Ministerio Publico den tempo di Zwinkels. Con bo por lubida con un di mi instructornan, e untouchable maestro-amigo, Watty Vos a wordo“ gestalked “ (concientemente) miserablemente persegui a base di e deseo di Gobierno di Aruba pa envulcre den algo ilicito. Nan a faya.                                                                                                                              

Mas recien tabatin casonan di diferente proyecto grandi pa cu desaroyo di San Nicolas contra Tico Croes. Otmar Oduber, etc. cu a embeyece y engrandece nos pais. Tur hende por corda e persecucion pa cu Minister Glebert Croes pa parti di especialmente Rudy Lampe entorno e Proyecto ‘Race Track” (By the way e tempo ey Colony mester a keda cu su lagadishinan un zuiver natuurgebied, pero awe a werkia e naturalesa cu cobando pa un supuesto un hotel). Kico e resutado realmente di e investigacionnan ey tabata ta?                                                                                                                                                                     Recientemente tin entre otro e casonan contra Paul Croes, Otmar Oduber y Benny Sevinger andando.  Ta hopi coïndencia SI cu e casonan aki ta wordo warda y ta net un periodo hopi cortico prome cu eleccion ta wordo activa.

Papiando di Trias Politica e ultimo casonan aki presenta dor di miembronan di Parlamento (wetgevende macht) caminda nan a exigi voortvarendheid den e onderzoeknan tot diverse keren aan toe den e onderzoeknan ak”:i. Esaki a wordo haci cu hopi fanfariana diferente momento den diferente medio di publicidad, especialmenmente di parti di Parlamentarionan Tjon, Croes, y e tempo ey Maduro-Ruiz. Kiermen ta ken o cua instancia di Trias Politica o funcionarionan a entrega y repetida bez a pone presion riba Landsrecherche y Ministerio Publico pa apesura e investigacion di e dos acusacionnan?

Unda “Scheiding van Machten a KEDA ANTO”? Segun mi si nos ta papia di separacion di poder (Trias Politica), con por ta cu e Poder Legislativo te eherciendo den forma abierto y visblemente provocando un presion riba e poder hudicial (OM) pa acelera actuacion di Landsrecherche y Ministerio Publico.

Wak, den diverso medio di comuninicacion por a observa esnan envolvi.  “Nos a haci un apelacion urgente y fuerte riba Ministerio Publico pa acelera e proceso di investigacion.”Esey no ta kita cu tur dia mi ta implora Dios TATA TODOPODEROSO pa spaar nos y cu realmente nos Arubianonan por confia ciegamente riba nos sistema hudicial den REINO. Ta pesey ta duelmi pa analisando e programanan di e 12 partidonan pa cu eleccion (alomenos loke mi por a haña) NINGUN partido ta enfatisa e dolor humano cu nos sistema hudicial por haci na un ser humano, un prohimo, un compratriota irespecto su color politico. Por t’asina cu pa motibo di ineficiencia debido, malisia premitida, debilidad pa motibo di relacion, o motivacionnan meramente politico, dañonan ireparable ta wordo ocasiona na nos propio hendenan, rumannan, y compatriotanan.

No por t’asina cu Mi NO POR HABRI MI BOCA y critica o duna mi opinion entorno NOS sistema hudicial. Mi a kere cu nos sistema hudicial ta sali na defensa explicito di nos derechonan humano den un berdadero Estado di Derecho. Aparentementemente ami como legitimo ciudadadona no por expresa mi mes libremente caminda e SAGRADO TRIAS POLITICA A FAYA.”                                                                                                           Pesey mi ta propone pa cu bin un Landsverordening/Rijkswet caminda “e deferente rayonnan (lagen) di e giargia hudicial den Reino (LANDSRECHERCE, OPENBARE MINISTERIE, RECHTERS VAN HET GERECHT IN EERSTE AANLEG, PG/RECHTERS van het HOGER BEROEP, ) persoonlijk aansprakellijk worden gesteld voor geleden psychische en materiéle schade van een ieder die op onrechtmatige en onwettelijke gronden is vervolgd “.

E persucucionnan/casonan aki den tur caso dor di iresponsabilidad di nos sistema hudicial a marca  y hasta malogra e resto  di e bida di nos mesun hendenan. Especialmente den e casonan cu ta tin un inclinacion o encargo politicamente motiva. Loke a pasa nos hendenan den pasaado recien no mag di pasa nunca mas pasobra ta wordo dicta y pensa cu husticia ta infalibel. Loke a/ta pasa Endy, Tico, Glenbert, Paul, y BENNY, y otronan ta motibonan suficiente pa puntra nos mes con hopi nos ta stima otro como ser, prohimo y Rubiano.

Si poder hudicial mediante un dogma di Trias Politica kier silenciami. Tur hende por ta sigur cu como bon Arubiano mi lo bisa: “Mi boca lo wordo sera e dia cu mi NO tey mas.”

Mi ta spera cu tur mi compatriotanan tambe ta di acuerdo cumi cu mester por para tur INHUSTICIA cu ta wordo practica p’esnan cu tin cu para pa Husticia.

“E bon Arubiano tin un ley di bida “ BUSCA BO HANJA. PICA MI GALLO.” Bisando tur loke a wordu exponi den e articulo aki SIGUR no ta kita afor cu como hendenan culto y como pais desaroyo nos tin un obligacion incondicional pa percura pa na Aruba nos tin un sistema Hudicial HUSTO, IMPARCIAL Y HONESTO/INTEGRO base riba e principionan di  TRIAS POLITICA.