Belastingdienst ta bishita negoshinan pa opservashon di ‘loonheffing’ i pa kòntròl di atministrashon

KRALENDIJK – Entrante promé di jüni ultimo, Belastingdienst Caribisch Nederland a bolbe kuminsa bishita negoshinan pa kontrolá si e informashon ku a duna pa ‘loonheffing’, ta kuadra ku personanan ku aparentemente ta traha den e kompania. Tambe lo kontrolá den atministrashon di negoshinan si a deklará impuesto p’e montantenan korekto. E suavisashon resien di e medidanan di corona ta pone ku e bishitanan aki por tuma lugá atrobe.

Opservashon pa ‘loonbelasting’

Pa opservashon na negoshinan dirigí riba e totalidat di e trahadórnan registrá den atministrashon di salario, lo pidi trahadórnan presente pa legitimá nan mes. Asina por kontrolá si e dunador di trabou a mèldu e trahadónan aki pa ‘loonheffing’. Lo no partisipá delantá kua kompania lo bishitá kua dia.

Kòntròl di atministrashon

E bishitanan pa ku kòntròl di atministrashon di negoshinan en konekshon ku e pago korekto di impuesto, sí ta partisipá delantá. E negoshinan òf nan konsehero por prepará riba e binida trahadónan di kòntròl. Dor di esaki e kòntròlnan por tuma lugá di forma rápido, loke ta agradabel pa tur hende. Belastingdienst Caribisch Nederland ta enfatisá ku tin hopi kompania ta tene nan mes na e reglanan. Pero tin komersiante tambe ku no ta kumpli ku nan deber. Esaki tin un efekto negativo riba sosiedat. Ademas esaki ta perhudiká esnan ku si ta kumpli ku nan deber. Esaki ta un forma di konkurensia deshonesto. Esaki no ta solamente negativo pa e sektor konserní so, sino tambe pa hinter komunidat. Pa e motibu aki supervishon riba kumplimentu ku reglanan di impuesto ta importante.