Kaso di hogamentu

WILLEMSTAD – Djamars 8 di yüni 2021 alrededor di 11.59’or, Sentral di Polis a haña informashon di un kaso di hogamentu ku a tuma lugá na Piscaderabaai.

E unidat ku a yega n’e sitio a topa ku un hòmber drumí kant’i laman i no tabata duna señal di bida.

For di investigashon ku Polis a hasi n’e sitio a resultá ku e hòmber, ku ta di vakashon aki na Kòrsou, a bai landa i diripiente a hañé boka abou den laman. Personanan n’e sitio a saka e hòmber for di laman, pero no por a hasi nada mas pe.

Alrededor di 13.35’or Dokter di Polis a konstatá morto di e hòmber Wolf Dieter Berkmann nasé na Alemania, 16 di mei 1940.

Riba òrdu di Fiskal di Ministerio Públiko a konfiská e kurpa sin bida pa mas investigashon.