Thema: The new paradigm of leadership

Plataforma hoben(nan) profesional tin como meta suministra nos comunidad cu informacion y conocemento relaciona cu diferente elemento esencial den nos comunidad. Informacion y conocemento ta un instrumento util p’asina causa un impacto radical den bo propio bida y tambe den bo comunidad.

E thema cu nos lo amplia y desaroya  ta relaciona cu un perspectiva nobo relaciona cu liderazgo. Den momentonan conflictivo cu nos bibando aden, nos mester lider(nan) pa ta protagonista y causa un impacto positivo.

Liderazgo ta un componente esencial den cada rango di nos sociedad. Un thema cu sigur no ta perde actualidad den e tempo conflictivo cu nos ta enfrentando.  Tin un caracteristica cu tur protagonista den nos comunidad tin encomun cual t’e capacidad pa lidera.

Tin diferente perspectiva relaciona cu liderazgo. E tarea asigna na nos ta pa evalua cua paradigma relaciona cu liderazgo ta eficiente alabes efectivo den e contexto actual di nos sociedad.

E definicion di liderzago segun author James Autry t’e hablidad pa sirbi esnan cu ta resorta bou di bo responsabilidad. Nos ta desea di ofrece un paradigma nobo relaciona cu liderzago un cu no ta basa riba e perspectiva antigua di poder y dominio, ma un cu ta basa riba servicio na humanidad. Un articulo dedica na cada lider y cuidadano den nos comunidad.

Den nos sociedad mas cu nunca, tin e necesidad di personan(nan) di influencia cu ta inspira confiansa. Personan(nan) cu ta  un modelo pa sigi y albes un fuente di inspiracion cu ta provoca un cambia radical di pensamento y actitud. Den esencia nos lider(nan) tin poder pa provoca un revolucion den cada persona den nos comunidad.

Nos ta encontra lider(nan) den cada sector di nos comunidad y ta nos meta pa reta cada lider pa hiba un liderazgo conforme e era nobo.

Un cambio den e paradigma di liderazgo ta urgentemente necesario den tur sector di nos isla. Ta papia di un cultura riba nos isla caminda ta bisa: ”Cualkier cos cu ami ta bisa, asina e ta, of asina e mester ta” of “Ami ta manda”. Sin dialoga pa compronde e otro persona.

E dos frasenan aki tin hopi tin falta di clase y no mester ta parti di nos vocabulario.

Lider y hefe ta dos cos diferente y ta hopi importante pa nos compronde e diferencia akinan. Un lider no ta tuma credito pa trabou di otro, un hefe si.

Un lider ta traha hunto cu su team, un hefe ta bisa su team kico pa haci y laga nan haci e trabou.

Akinan riba nos isla nos egocentrismo ta cay den caminda pa hopi cos y por afecta nos tur. Esaki no ta refleha bon riba esan cu ta observando e situacion. Ta berdad cu bo por ta egoista den un area cu tur otro hende tambe ta egoista. Den un situacion asina tur hende ta ciego pa nan mesun egocentrismo. Nos mester un cambio drastico den nos manera di liderazgo riba nos isla, den e sector gubernamental y especialmente den e sector di hospitalidad. Hende a wordo pone den posicion di liderazgo cu no ta califica, causando un atmosfera desagradabel p’e resto di e empleadonan. Nepotismo ta hunga un rol hopi grandi y empleadonan ta wordo silencia y provoca na trabou dor di nan supuestamente lidernan. Ora un empleado pubra di expresa su opinion nan ta tuma e riesgo di wordo termina. Cual no ta mustra bon pa ningun empresa. E pregunta ta:”Kico por wordo haci den e tipo di situacionnan aki?