Aruba Summer Karate Championship – diasabra 10 di juli 2021

Cu hopi placer directiva di Aruba Karate Bond (AKB), bou presidencia di “Sensei” Felix Tromp, ta invita tur karateka miembro y no miembro pa participa n’e campeonato “Aruba Summer Karate Championship 2021” cu ta tuma riba diasabra 10 di juli na Compleho Deportivo Frans Figaroa na Noord.

For di 10or di mainta ta start cu e categoria ‘rambuho’ (esta e mas chikitonan) pa despues sigui p’e categorianan halto.

Participacion pa miembro di Aruba Karate Bond (AKB) ta 15 florin. Igual prijs ta conta p’esnan cu no ta miembro. Interesadonan pa participa na “Aruba Summer Karate Championship 2021” ta wordo cordialmente invita pa manda un email di participacion mencionando nomber di scol di karate, nomber completo di participante, edad y grado (kyu) na karatebondaruba@gmail.com no mas tarda cu diasabra 3 di juli 2021.

Ta invita mayornan, famia y amigonan pa bin apoya nos karatekanan y asina contribui n’e formacion di nos muchanan. “Aruba Summer Karate Championship 2021” ta wordo realisa cu ayudo di Stichting Sportsubsidie Aruba, Fundacion Lotto pa Deporte, Aruba Sport Unie y Comite Olimpico Aruba.