Huez Comisario a duna ordo pa detencion di Benny Sevinger

Riba peticion di Ministerio Publico e siman aki Huez-Comisario a suspende condicionalmente e detencion di e sospechoso Pete Th.A. Susubeek den e investigacion Avestrus.

Huez-Comisario a pone como un di e condicionnan cu Susubeek no mag di tin contacto cu otro sospechosonan y cu e tin cu coopera cu e investigacion.

Ademas Huez-Comisario a duna ordo pa detencion (gevangenhouding) di e sospechoso Oslin Benny Sevinger cu otro 60 dia mas riba peticion di Ministerio Publico. Esey no kier mem cu e lo sinta tur 60 dia, pero cu Benny Sevinger por bay cas hasta prome cu esey. Deseo di Ministerio Publico lo pa tene Benny te despues di eleccion cu ta diabierne dia 25 di juni awor.