Porcentahe di graduado na Colegio Arubano: HAVO: 79%; VWO: 89%

Diahuebs Colegio Arubano a duna di conoce n’e 291 candidatonan di HAVO y 69 candidatonan di VWO, cu a haci examen den e prome periodo, ken a logra nan diploma.

Despues di e prome periodo, e cantidad di graduado pa HAVO ta 61% y pa VWO ta 70%.

E candidatonan pa examen cu no a gradua ainda, por haci examen den periodo 2, desde 14 di juni. Dia 2 di juli nan ta haya resultado.

E aña aki tabata posibel cu e candidatonan por a scoge pa haci examen durante dos periodo. Esaki a haci cu e porcentahe di graduado despues di e prome periodo ta mas abou. E candidatonan aki lo haci examen den periodo 2 y haci her den periodo 3. Di e alumnonan cu a haci tur examen durante prome periodo, e cantidad pa HAVO ta 79% y pa VWO 89%

E resultado ta un compliment grandi pa tur e candidatonan y henter e personal di Colegio Arubano, cu a haci esaki posibel. A pesar di tabata travesando un pandemia den un aña yen di incertidumbre, hunto nos a logra haci lo mihor di dje. Aña pasa, 300 candidato di HAVO y 92 di VWO a haci examen. Di esakinan, 58% di esnan di HAVO a gradua y y 72% di VWO a gradua despues di e prome periodo.