Resultado di simultaan duna dor di Rolin Croes y start di e promer torneo pa aña 2021

Diaranson (9-juni) a tuma lugar e promer actividad di dam den aña 2021. Esaki tabata un simultaan duna dor di e nos campeón di dam di aña pasa Rolin Croes. Rolin a enfrenta 9 hungador cu a presenta e anochi ey.

Rolin a logra di gana 4 wega, tabla 2 y perde 3. Un score di  55.6 porciento.

Tabata presente n’e promer evenento di dam pa aña 2021, un representante di Lotto y un representante di ASU.

Otro siman día 16 di juni, club di dam Arowak ta continua cu su actividadnan cu e prome torneo di aña. Esaki t’e campeonato habri di Aruba.

Tur hungador di dam ta bonbini.

Formato di wega lo ta Round Robin, unda tur hungador lo topa otro un biaha. Duración lo ta 1 ora pa banda cu un incremento di 30 seconde después di cada hugada.

Lo start pa 7:00pm exacto den nos clubhuis na Nieuwstraat 11, Oranjestad. Weganan lo termina rond di 9:00 pa 10:00 di anochi.

Pa mas información, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590).