Recherche di San Nicolas (DAR3) a detene Brandon Wouters como sospechoso di asesinato

Enconexion cu e caso di asesinato di dia 15 di januari 2021, cu bisiñanan di Sabana Basora, na Pos Chikito, a scucha tiro. Ora a sali pafo a topa cu e hoben Lisander Leonardo Ignacio, naci na Aruba 9 november 1999, morto sinta den un auto, cu herida na cabes. E acsinato aki cu a tuma lugar dia 15 di januari 2021, pa cual tin persona deteni caba como sospeechoso. Awor Recherche di San Nicolas (DAR3) a detene 1 hende homber mas di nomber Brandon D. Wouters naci na Aruba di 23 aña.

A detene e sospechoso aki na su cas den Caya Sint Lucia. Cu e detencion aki ta bira un total di 4 detencion den e caso. Investigacion preliminar ta mustra cu ta un problema entre gangnan.

Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.