CIBC First Caribbean International Bank a celebra su centenario

Aña pasa CIBC First Caribbean International Bank, a celebra nan di shen aña di existencia y t’e aña aki e celebracion special a tuma lugar.

Sr. Giovanni Atencio, Country Head di e banco, a comparti cu mirando cu awor cu ta un tiki mas flexibel, hunto cu e otro hurisdiccionnan, cual ta 16 banco riba 16 isla den Caribe, fo’i Bahamas te na Trinidad a dicidi di planta 16 mata en conhunto, conmemorando e di 100 aniversario di CIBC First Caribbean International Bank.

P’e conmemoracion aki na Aruba a scoge Imeldahof un institucion conoci pa su trabou incansable y cu banco tin varios aña di bon relacion. Plantacion ta un simbolo di crecemento mescos cu e muchanan na Imelda Hof cu tambe ta crece cu guia y amor p’e team di leidsters di e 4 cas nan di e diferente grupo di edad y situacion di e mucha.

Sr. Giovanni Atencio a menciona cu en cuadro di e celebracion aki a haya bon cooperacion di Santa Rosa, kendenan a duna nan input y experticio den e ramo aki. Nan a presenta na Imeldahof, p’asina evalua e situacion y a duna conseho ki pa planta den e area. A scoge diferente planta di fruta y tambe e planta local “Foyo di Cruz” cual ta lo crece den maginitud representando asina e crecemento y exsistencia di banco como tambe e crecemento di e muchanan.

Celebracion a tuma lugar diabierna 4 di juni den compania di directiva di Imelda Hof, representante nan di Santa Rosa como tambe empleadonan di banco cu nan yiu nan. Un danki ta bay na Imelda Hof pa a habri su portanan p’e celebracion centenario di banco CIBC First Caribbean.