Cosecha su actividadnan creativo den juni na San Nicolas

Cosecha tin pa luna di juni workshopnan creativo plania na su localidad di San Nicolas. Tambe tin pakete di DIY (Do-It-Yourself) na benta p’esnan cu kier ta creativo na cas.

Diahuebs 24 di juni tin e siguiente workshop di mosaic di e artista local Merveline Geerman. Como parti di e serie di animal local, e biaha aki lo por traha e blenchi.

E workshop aki ta di 18.00 – 20.00. Tin un prijs pa por participa, cu ta inclui material y bebida refrescante. Edad pa por participa ta 15 aña bay ariba.

Tambe e piesa di blenchi ta disponibel como pakete di DIY. Delaster dia pa registra y paga p’esaki ta diahuebs 24 di juni y diabierna 2 di juli por buska e pakete na Cosecha Oranjestad.

Diasabra 27 di juni e artista Lorraine Evans tin un workshop na San Nicolas. E biaha aki Lorraine ta guia e participantenan durante un workshop di “Watercolor painting” y “Pencil Drawing”. P’e workshop aki, lo pinta e anker cora di Sero Colorado, mientras ta siña e diferente tecnicanan.  

E workshop aki ta di 14.00 – 16.00. E prijs ta inclui material y bebida refrescante. Edad pa por participa ta 14 aña bay ariba.

Recientemente Cosecha a introduci e paketenan di DIY di AruFlamingo. AruFlamingo ta conoci pa su piesanan di arte traha cu PVC. E linea di parha cu nan ta traha y tambe ta bende via e tiendanan di Cosecha ta inclui entre otro flamingo, barica geel, patrishi y mas parhanan local. Mirando cu AruFlamingo su mision ta pa duna aporte na proteccion di naturalesa y na educacion di esaki, nan a lansa un pakete di DIY unda por traha un cas di paharito cu e material di PVC y palo. Y riba e cas por pinta un diseño propio p’asina embeyece esaki.

Delaster dia pa registra y paga p’esaki ta diahuebs 24 di juni. Diabierna 2 di juli por buska e pakete na Cosecha Oranjestad. E pakete aki ta inclui tur material pa traha e cas di paharito, verf, kwashi y instruccion. Edad pa por participa ta 10 aña bay ariba, pero supervision di adulto ta necesario ora usa clabo y schroef pa traha e cas.

Pa mas informacion por tuma contacto cu Cosecha Oranjestad na telefon 587-8709. Tambe por manda un email na cosechaworkshop@gmail.com.

Pa por keda informa di Cosecha su workshop, artesano, artista y nan webshop nobo por bishita nan Facebook page: Aruba-Cosecha, Instagram page: cosecha_aruba y Webpage: www.arubacosecha.com.