If we build it they will come!!

Hopi ta puntra y te hasta ta cuestiona UPP su campaña, pasobra UPP ta poniendo enfasis riba un desaroyo economico, cultural y deportivo pa San Nicolas. UPP semper a hiba un campaña dedica na desaroyo di henter Aruba, pasobra nos tur ta conta.

Sinembargo historia a mustra cu den mayoria di caso ta priminti un hala di cos pa San Nicolas durante campaña cu nunca ta materialisa. E unico proyectonan cu den e ultimo decada a wak luz di dia ta ImSan y e oficina di SVB na San Nicolas. Proyectonan cu a inicia dor di un di e fundadornan di UPP, esta Booshi Wever. 


Pakico enfasis riba San Nicolas? E contesta ta conoci. San Nicolas t’e parti di Aruba cu mas problema di seguridad, poco oportunidad pa trabou, un probresa creciente y por ultimo un ciudad bandona cu casnan den mal condicion. Pues no por tin duda cu e situacion di de facto henter pariba di brug ta un poco mas malo cu henter Aruba. E “verpaupering” ta  visibel, y esey ta haci dolor.

UPP a compromete su mes na prome lugar di mara man di e politico pa garantisa bon goberancion y na di dos lugar yega na un compromiso real pa desaroyo di San Nicolas. E pueblo di San Nicolas tabata tin sed y cada bes tabata haya un boter di awa, pero BASHI.

Humildad y orguyo di e pueblo di San Nicolas a haci cu nunca a reclama y tabata keda carga speransa cu un dia lo e boter lo wordo yena cu awa. Wel UPP a bisa no mas boter bashi. San Nicolas kier stop di tin sed. 

UPP ta propone un plan concreto pa San Nicolas: IF WE BUILD IT THEY WILL COME! Un plan cu ta ensera reapertura di un State of the Art Refinery. ImSan completamente desaroya como un hospital. Promove San Nicolas como Centro di Gobernacion. Mas polis pa grantisa siguridad, Comberti Carnival Village den un Centro pa famia, arte y deporte.

Renoba Palo Marga y asina haci tambe un atraccion internacional cu lo promove Aruba na su bez. Pa garantisa cu e comprimiso cu UPP ta haci cu su pueblo no ta promesanan fofo, UPP lo percura pa un Minister encarga pa cumpli cu desaroyo di San Nicolas di berdad. UPP tin e receta pa kita e sed na progreso di San Nicolas y nos a pon’e den un plan strategico cu ta ser yama: REBOOT SANNICOLAS 2.0., segun Booshi Wever.