Kon bin Parlamento tabatin 26 miembro temporalmente

WILLEMSTAD – Den fin di siman Parlamento di Kòrsou a reuni pa revisá e kredensialnan dje Parlamentarionan ku dialuna a hura na Gobernador den Gabinete Pisas. E miembro di frakshon di MAN, Giselle McWilliam no por tabata presente. E kredensialnan ku a revisá tabata di Charles Cooper, Silvania, sra. Ludmilla Larmonie i mr. Ornelio Martina.

Ku aprobashon di nan kredensialnan e paso pa drenta Parlamento dje siguiente miembronan a bira un hecho: Elvin Gerad, Corine Genaro, Antonio Yeung, sr.Thodé. David Seferina.

E salida dje kandidatonan pa Minister i aprobashon dje kresensialnan tabata posibel, pasobra a palabrá

ku e miembronan ku ta bai sali for di Parlamento ku nan por a manda nan karta di retiro.

Parlamento a risibi sinku karta di retiro indikando ku e miembronan lo tuma retiro i Parlamento a manda karta apart pa Konseho Supremo Elektoral.

E situashon aki a bira algu nobo entre Parlamento, Konseho Supremo Elektoral i Gobernador.

Inmediatamente e pregunta a surgi den sala ku si esaki lo ta bira e model pa aplika pa futuro.

E kontesta di Presidensia di Parlamento tabata ku den konsulta ku griffier lo sugeri sugeri pa atende e kredensialnan  komo punto separa manera Aruba ta hasi ya e no mester ta parti di agènda di reunion publiko. Por lo tantu prome ku trata e kredensialnan, lo trata dokumentonan ku a drenta Parlamento.